English (United Kingdom)Lao
Welcome to Department of National Disaster Management and Climate Change Web site
ກອງປະຊຸມ​​​ໃຫຍ່ ຄັ້ງ​ທີ I ຂອງໜ່ວຍແມ່ຍິງ ກົມ​ຄຸ້ມ​ຄອງ​ໄພພິບັດ ​ແລ​ະ ການ​ປ່ຽນ​ແປງ​ດິນ​ຟ້າ​ອາກາດ. PDF Print E-mail
Written by Vanhthone   
Friday, 22 August 2014 14:01

ກອງປະຊຸມ​​​ໃຫຍ່ ຄັ້ງ​ທີ I ຂອງໜ່ວຍແມ່ຍິງ ກົມ​ຄຸ້ມ​ຄອງ​ໄພພິບັດ ​ແລ​ະ ການ​ປ່ຽນ​ແປງ​ດິນ​ຟ້າ​ອາກາດ.

ໃນວັນທີ 29 ກໍລະກົດ 2014, ທີ່ຫ້ອງ​ປະຊຸມ ຊັ້ນ 1 ກຊສ, ນະຄອນຫຼວງວຽງຈັນ.

ໃນຕອນ​​ແລງ ຂອງວັນທີ 29 ກໍລະກົດ 2014 ​ເວລາ 13:30, ໜ່ວຍແມ່ຍິງ ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ (ກພປ), ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ (ກຊສ), ໄດ້ຈັດກອງ ປະຊຸມ​​​ໃຫຍ່ຄັ້ງ​ທີ I ຂອງຕົນ​ຂຶ້ນ, ທີ່ຫ້ອງ​ປະຊຸມ ຊັ້ນ 1 ກຊສ. ໂດຍພາຍໃຕ້ການເປັນປະທານ ຂອງ ສະ​ຫາຍ ພູວົງ ຫຼວງໄຊຊະນະ ​ເລຂາໜ່ວຍພັກ, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ​ແລະ ສະຫາຍ ນາງ ສີ​ສຸພັນ ຫຼວງລາດ ປະທານ​ສະຫະພັນ​ແມ່ຍິງ ກຊສ. ເຊິ່ງມີ​ແຂກເຂົ້າຮ່ວມທັງໝົດ 35 ສະຫາຍ ທີ່ມາຈາກກົມ​ກອງ​ອ້ອມ​ຂ້າງ ກຊສ ​ແລະ ສະມາຊິກ​ແມ່ຍິງ ​ທັງໝົດພາຍ​ໃນ ກພປ.

ຈຸດປະສົງຕົ້ນຕໍ ຂອງກອງປະຊຸມພວກເຮົາໃນຄັ້ງນີ້ ແມ່ນ:

-   ເພື່ອຜ່ານບົດສະຫຼຸບ ການ​ເຄື່ອນ​ໄຫວ​ວຽກງານ​ຕ່າງໆຂອງໜ່ວຍ​ແມ່ຍິງ ກພປ ​ໃນ​ໄລຍະ​ຜ່ານ​ມາ ແລະ ທິດທາງ ແຜນການຕໍ່ໜ້າ ຂອງໜ່ວຍແມ່ຍິງ ກພປ;

-   ເພື່ອປ່ອນບັດຄັດເລືອກເອົາຄະນະໜ່ວຍແມ່ຍິງຊຸດໃໝ່.

ກອງປະຊຸມດັ່ງກ່າວ. ແມ່ນໄດ້ດໍາເນີນໄປຕາມວາລະຂອງກອງປະຊຸມ​ ​ເຊິ່ງ​ເລີ່​ມ​ແຕ່​ເວລາ 13:30 ໂມງ ​ແລະ ​ໄດ້​ປິດ​ລົງ​ໃນ​ເວລາ 16:30 ໂມງ ຂອງວັນດຽວກັນ.

ການ​ເຄົາລົບທຸງຊາດ                                 ຄະນະ​ປະທານ ​ແລະ ຄະນະ​ໜ່ວຍແມ່ຍິງ ຊຸດ​​ໃໝ່

ການ​ປ່ອນ​ບັດ​ເລືອກ​ຕັ້ງເອົາ​ຄະນະໜ່ວຍ​ແມ່ຍິງ ຊຸດ​​ໃໝ່

 
ວຽກງານໂຄສະນາເຜີຍແຜ່ ແລະ ສ້າງຈິດສຳນຶກ ຄວາມຮູ້ພື້ນຖານ ກ່ຽວກັບການປ່ຽນແປງດິນຟ້າອາກາດ ທີ່ ເມືອງປາກລາຍ, ແຂວງ ໄຊຍະບູລີ PDF Print E-mail
Written by Vanhthone   
Friday, 08 August 2014 12:08

ວຽກງານໂຄສະນາເຜີຍແຜ່ ແລະ ສ້າງຈິດສຳນຶກ ຄວາມຮູ້ພື້ນຖານ ກ່ຽວກັບການປ່ຽນແປງດິນຟ້າອາກາດ ທີ່ ເມືອງປາກລາຍ, ແຂວງ ໄຊຍະບູລີ

ໃນວັນທີ 27 ມິຖຸນາ 2014, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ໄດ້ຈັດກອງປະຊຸມ ໂຄສະນາເຜີຍແຜ່ ຄວາມຮູ້ພື້ນຖານ ກ່ຽວກັບ ການປ່ຽນແປງດິນຟ້າອາກາດ ​ເຊິ່ງ​ເປັນໜຶ່ງ​ໃນ​ບັນດາກິດຈະກຳການສ້າງ ຈິດສຳນຶກ ກ່ຽວກັບ ການປ່ຽນແປງດິນຟ້າອາກາດ ພາຍໃຕ້ໂຄງການການປັບຕົວດ້ານກະສິກຳ​ເຂົ້າກັບການປ່ຽນແປງດິນ ຟ້າອາກາດ ( IRAS ) ທີ່ຫ້ອງ​ປະຊຸມ ຫ້ອງ​ວ່າການ​ປົກຄອງ​ເມືອງ​​ ​ເມືອງ ປາກ​ລາຍ, ​ແຂວງ ​ໄຊ​ຍະ​ບູລີ, ໃຫ້ແກ່ພະ ນັກງານຂັ້ນ​ເມືອງ ພາຍ​ໃນ​​ເມືອງ ​​ໂດຍພາຍ​ໃຕ້​ການ​ເປັນປະທານຂອງ ທ່ານ ສົມ​ດີ ຄົງ​ສະຫວັນ ຮອງ​ເຈົ້າ​ເມືອງ ເມືອງ ​ປາກ​ລາຍ, ແຂວງ ໄຊຍະບູລີ. ​ກອງ​ປະຊຸມ​ໃນຄັ້ງ​ນີ້ມີ​ຜູ້​ເຂົ້າ​ຮ່ວມ​ທັງໝົດ 100 ກວ່າທ່ານ ຈາກ​ຂະ​ແໜງການຕ່າງໆ​ທີ່​ກ່ຽວຂ້ອງທັງສູນ​ກາງ ແລະ ທ້ອງ​ຖິ່ນ. ​

ຈຸດປະສົງຂອງ​ກອງ​ປະຊຸມໂຄສະນາເຜີຍແຜ່ ແລະ ສ້າງຈິດສຳນຶກໃນຄັ້ງນີ້​ແມ່ນເພື່ອ:

-    ໂຄສະນາເຜີຍແຜ່ຄວາມຮູ້ພື້ນຖານ ກ່ຽວກັບ ການປ່ຽນແປງດິນຟ້າອາກາດໃຫ້ແກ່ພະນັກງານ ຂັ້ນ​ເມືອງ

-    ເພີ່ມທະວີຄວາມຮັບຮູ້ ແລະ ຄວາມເຂົ້າໃຈ ກ່ຽວກັບ ຄວາມຮູ້ພື້ນຖານ ການປ່ຽນແປງດິນຟ້າອາກາດ, ສະພາບ,

ສາເຫດ, ວິທີການຫຼຸດຜ່ອນບັນຫາໂລກຮ້ອນ, ການປັບຕົວເຂົ້າກັບການປ່ຽນແປງດິນຟ້າອາກາດ.

-  ຮູ້ໄດ້ເຖິງຄວາມໝາຍຄວາມສຳຄັນຂອງການອະນຸລັກຊັບພະຍາກອນທຳມະຊາດ ແລະ ອື່ນໆ;

ບັນຍາກາດ​ພາຍ​ໃນ​ກອງ​ປະຊຸມ ວັນທີ 27 ມິຖຸນາ 2014 ທີ່ຫ້ອງ​ປະຊຸມ ຫ້ອງ​ວ່າການ​ປົກຄອງ​ເມືອງ​​ ​ເມືອງ ປາກ​ລາຍ, ​ແຂວງ ​ໄຊ​ຍະ​ບູລີ

 
ວຽກງານໂຄສະນາເຜີຍແຜ່ ແລະ ສ້າງຈິດສຳນຶກ ຄວາມຮູ້ພື້ນຖານ ກ່ຽວກັບການປ່ຽນແປງດິນຟ້າອາກາດ ທີ່ ແຂວງ ສະຫວັນນະເຂດ PDF Print E-mail
Written by Vanhthone   
Friday, 08 August 2014 11:16

ວຽກງານໂຄສະນາເຜີຍແຜ່ ແລະ ສ້າງຈິດສຳນຶກ ຄວາມຮູ້ພື້ນຖານ ກ່ຽວກັບການປ່ຽນແປງດິນຟ້າອາກາດ ທີ່ ແຂວງ ສະຫວັນນະເຂດ

​ໃນ​ຕອນ​​ເຊົ້າຂອງ ວັນ​ທີ 08 ກໍລະກົດ 2014, ກົມຄຸ້ມຄອງໄພພິບັດ ແລະ ການປ່ຽນແປງດິນຟ້າອາກາດ ໄດ້ຈັດກອງປະຊຸມໂຄສະນາເຜີຍແຜ່ ຄວາມຮູ້ພື້ນຖານ ກ່ຽວກັບ ການປ່ຽນແປງ ດິນຟ້າອາກາດ ​ເຊິ່ງ​ເປັນໜຶ່ງ​ໃນ​ບັນດາກິດຈະກຳການສ້າງຈິດສຳນຶກ ກ່ຽວກັບ ການປ່ຽນແປງດິນຟ້າອາກາດ ພາຍໃຕ້ໂຄງການ ການປັບຕົວດ້ານກະສິກຳ​ເຂົ້າກັບການປ່ຽນແປງດິນ ຟ້າອາກາດ( IRAS ), ທີ່ ຫ້ອງປະຊຸມ ຫ້ອງການ​ສຶກສາ​ທິການ ​ແລະ ກິລາ ​ເມືອງ ຈຳ​ພອນ, ​ແຂວງ ສະຫວັນ​ນະ​ເຂດ ​ໃຫ້​ແກ່​ພະນັກງານ​ຂັ້ນ​ເມືອງ ພາຍ​ໃນ​​ເມືອງ ​ຊຶ່ງພາຍ​ໃຕ້​ການ​ເປັນປະ ທານຂອງ ທ່ານ ສີ​ສຸວັນ ສຸວັນນະ​ສານ, ຄະນະ​ປະຈຳ​ພັກ​ເມືອງ, ຫົວໜ້າຫ້ອງວ່າການປົກຄອງເມືອງ ຈຳ​ພອນ, ແຂວງ ສະຫວັນ​ນະ​ເຂດ.​ ໃນ​ກອງ​ປະຊຸມ​ດັ່ງກ່າວ​ນີ້ ມີ​ຜູ້​ເຂົ້າ​ຮ່ວມ​ທັງໝົດ 100 ກ່ວາທ່ານ ຈາກ​ຂະ​ແໜງການຕ່າງໆ​ທີ່​ກ່ຽວຂ້ອງທັງສູນ​ກາງ ແລະ ທ້ອງ​ຖິ່ນ. ຕໍ່ມາ​ໃນວັນ​ທີ 09 ​ກໍລະກົດ 2014 ທີ່​​ໂຮງຮຽນມັດທະຍົມສົມບູນ ບ້ານ ສະ​ຄືນ​ໃຕ້, ​ເມືອງ ຈຳ​ພອນ, ​ແຂວງ ​ສະຫວັນ​ນະ​ເຂດ, ກໍ່​ໄດ້​ຈັດ​ໃຫ້​ມີ​ການ​ດຳ​ເນີນ​ກອງ​ປະຊຸມ​ໃນ​ລັກສະນະ​ດຽວກັນ ໃຫ້​ແກ່ພະນັກງານ ຄູ-ອາຈານ ​ແລະ ນັກຮຽນ ພາຍ​ໃນ​ໂຮງຮຽນ ດັ່ງກ່າວ ​ຊຶ່ງພາຍ​ໃຕ້​ການ​ເປັນປະ ທານຂອງ ທ່ານ ທອງ​ພູນ ​ໄຊ​ຍະ​ສອນ, ອໍານວຍ​ການ​ໂຮງຮຽນມັດທະຍົມສົມບູນ ບ້ານ ສະ​ຄືນ​ໃຕ້, ​ເມືອງ ຈຳ​ພອນ, ​ແຂວງ ​ສະຫວັນ​ນະ​ເຂດ​ ​ເຊິ່ງມີ​ຜູ້​ເຂົ້າ​ຮ່ວມ​ທັງໝົດ 300 ຄົນ. ​

ກອງ​ປະຊຸມໂຄສະນາເຜີຍແຜ່ ແລະ ສ້າງຈິດສຳນຶກທີ່​ໄດ້​ຈັດ​ຂຶ້ນໃນ 2 ຄັ້ງນີ້​ແມ່ນມີ​ຈຸດປະສົງເພື່ອ:

-      ​ໂຄສະນາເຜີຍແຜ່ຄວາມຮູ້ພື້ນຖານ ກ່ຽວກັບ ການປ່ຽນແປງດິນຟ້າອາກາດໃຫ້ແກ່ພະນັກງານ ຂັ້ນ​ເມືອງ, ປະຊາ​ຊົນ,ຄູ-ອາຈານ ​ແລະ ນັກຮຽນ,

-    ເພີ່ມທະວີຄວາມຮັບຮູ້ ແລະ ຄວາມເຂົ້າໃຈ ກ່ຽວກັບ ຄວາມຮູ້ພື້ນຖານ ການປ່ຽນແປງດິນຟ້າອາກາດ,ສະພາບ, ສາເຫດ, ວິທີການຫຼຸດຜ່ອນບັນຫາໂລກຮ້ອນ, ການປັບຕົວ ເຂົ້າກັບ   ການປ່ຽນແປງດິນຟ້າອາກາດ,

-   ຮູ້ໄດ້ເຖິງຄວາມໝາຍຄວາມສຳຄັນຂອງການອະນຸລັກຊັບພະຍາກອນທຳມະຊາດ ແລະ ອື່ນໆ.

 

ບັນຍາກາດພາຍ​ໃນ​ກອງ​ປະຊຸມ ວັນທີ 08 ກໍລະກົດ 2014, ທີ່ ຫັອງປະຊຸມ ຫ້ອງການ​ສຶກສາ​ທິການ ​ແລະ ກິລາ  ​ເມືອງ ຈຳ​ພອນ, ​ແຂວງ ສະຫວັນ​ນະ​ເຂດ

ບັນຍາກາດພາຍ​ໃນ​ກອງ​ປະຊຸມ ວັນທີ 09 ກໍລະກົດ 2014, ທີ່ ໂຮງຮຽນມັດທະຍົມສົມບູນ ບ້ານ ສະ​ຄືນ​ໃຕ້ ​ເມືອງ ຈຳ​ພອນ, ​ແຂວງ ສະຫວັນ​ນະ​ເຂດ

ບັນຍາກາດການ​ສົນທະນາ ຖາມ-ຕອບ ຂອງ​ນ້ອງ​ນັກຮຽນ ພາຍ​ໃນໂຮງຮຽນມັດທະຍົມສົມບູນ ບ້ານ ສະ​ຄືນ​ໃຕ້  ເມືອງ ຈຳ​ພອນ, ​ແຂວງ ສະຫວັນ​ນະ​ເຂດ

Last Updated on Friday, 08 August 2014 12:20
 
<< Start < Prev 1 2 3 4 5 6 7 8 9 10 Next > End >>

Page 1 of 15